نعيب الزمان والعيب فينا

بسم الله الرحمن الرحيم
نعيب الزمان والعيب فينا ......يكفي تلومون الزمن
تلومون الزّمان وعقْرب الساعه يدور
نفْس الشّهر نفْس السنه نفْس الفصول الاربعه
اللي تغيّر واختلف صدْق المبادي والشعور
طيبة ملامحنا توارت تحْـت زيـف الأقنـعه
صرْنا نحب المال مـن حـب المظاهر والظهور
نرْفع مقام اللي معـه ونهمّـش اللـي مامعه
صرْنا نشوف اكتافنا لأهـدافنا جسْر العبور
ونبيع حتى لو كرامتنــا عشان المنفعه
الفقر يملانا جـزَع والمـال يمـلانا غرور
وان ما خدم حبل المودّه مصلحتـنا نقطعه !
كانت صغار بيوتنا بس السّعه وسْط الصدور
واليوم نسْكن ف السـْعه بصدور مافيها سعه..!!
نعيب الزمان والعيب فينا ......يكفي تلومون الزمن